Poytaxtda "Konstitutsiya ko'chasi" ramziy darvozasi ochildi
2024-12-05 16:15:00 / Yangiliklar
Poytaxtda "Konstitutsiya ko'chasi" ramziy darvozasi ochildi
Bugun poytaxtimizda Konstitutsiyamiz qabul qilingan kun munosabati bilan tantanali tadbirlar boshlandi. Jumladan "Konstitutsiya ko'chasi" ramziy darvozasi tiklandi.
Tadbir davomida Mudofaa vazirligining harbiy orkestri o‘zining kuy-qo‘shiqlari bilan mehmonlarga bayramona kayfiyat ulashmoqda.
"Adliya huquqiy marshi" doirasida barcha davlat tashkilotlari, hududiy boshqarmalar, qo‘mitalar va vazirliklar tomonidan maxsus huquqiy yordam burchaklari tashkil qilingan.
Tadbirda 500 nafar xorijlik mehmon, shuningdek, 5000 nafardan ortiq mahalliy aholi vakillari ishtirok etmoqda. Tadbir davomida mehmonlar soni yana ortishi kutilmoqda.
Siz ham ushbu tantanalarga qo‘shiling!
Mamlakatimizning asosiy huquqiy hujjati – Konstitutsiyamiz qabul qilingan kunni birgalikda nishonlaymiz!