Qoraqalpog`iston Rеspublikаsi To'rtko'l tumani hokimligi

O‘zbekiston Respublikasi Ichki ishlar organlari xodimlari kuni munosabati bilan To‘rtko‘l tumani hokimi I. Xudaybergenovning bayram tabrigi

Qadrli ichki ishlar organlari xodimlari va aziz faxriylar!
Avvalo, Sizlarni, qolaversa, sadoqatli va sabrli, mehribon oila a’zolaringizni, Sizlarning ota-onalaringizni bugungi kasb bayramingiz bilan chin qalbimdan  tabriklayman!
Bugungi kunda yurtimizda tinchlik va osoyishtalik, qonun ustuvorligi va fuqarolar xavfsizligini ta’minlashdek o‘ta mas’uliyatli vazifani bajarish yo‘lida fidokorona xizmat qilayotgan Sizlarning mehnatingiz beqiyosdir. Har biringiz kecha-yu kunduz xalq osoyishtaligi, Vatan tinchligi va ravnaqi yo‘lidagi xizmatni o‘zingiz uchun sharaf deb bilasiz. Sizlarning har bir qadamingiz, halollik, jasorat va vatanparvarlik ramzidir.
Hurmatli Prezidentimiz Shavkat Miromonovich Mirziyoyev ta’kidlaganlaridek:
“Agar davlat tayanadigan asosiy ustun qonun bo‘lsa, uning kuchini amalda namoyon etadigan eng samarali tizim bu – ichki ishlar sohasi.”Bu so‘zlar Sizlarning mashaqqatli va sharafli faoliyatingizga berilgan eng yuksak bahodir. Zero, Sizlarning fidokorona mehnatingiz tufayli jamiyatda osoyishtalik, totuvlik va qonun ustuvorligi mustahkamlanmoqda.
Aziz ichki ishlar xodimlari!
Sizlarning Vatan va xalq oldidagi xizmatlaringiz, fidoyiligingiz, yuksak mas’uliyat va jasoratingiz har bir yurtdoshimiz qalbida chuqur hurmat uyg‘otadi.
Fursatdan foydalanib, Sizlarga mustahkam sog‘lik, oilaviy farovonlik, sharafli xizmat faoliyatingizda yuksak muvaffaqiyatlar va ezgu niyatlaringiz ro‘yobini tilayman.
Bayramingiz muborak bo‘lsin!