Хаvfsiz muhit va bolalar huquqlarini himoya qilishga bag‘ishlangan profilaktik tadbir o‘tkazildi
2026-10-29 15:00:00 / Yangiliklar
Хаvfsiz muhit va bolalar huquqlarini himoya qilishga bag‘ishlangan profilaktik tadbir o‘tkazildi
Bugun To‘rtko‘l tumanining «Shodlik» mahalla fuqarolar yig‘inida joylashgan 73-sonli umumta’lim maktabida o‘quvchi-yoshlar o‘rtasida sog‘lom muhitni qaror toptirish va huquqbuzarliklarning oldini olishga qaratilgan targ‘ibot va profilaktika tadbiri bo‘lib o‘tdi.
Mazkur tadbir O‘zbekiston Respublikasi Prezidentining 2025 yil 3 yanvardagi PQ-1-sonli «2025 yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha»gi qarori hamda 2025 yil 24 dekabrdagi PF-256-sonli farmoni bilan tasdiqlangan «2026–2030 yillarga mo‘ljallangan bolalarni zo‘ravonlikning barcha shakllaridan himoya qilish strategiyasi»ning 1-ilovasi 9-bandi ijrosini ta’minlash maqsadida tashkil etildi.
Tadbirda Sanitariya-epidemiologik osoyishtalik va jamoat salomatligi (S va SRI) hududiy bo‘limi shifokori R. Djumabaev, To‘rtko‘l tumani tibbiyot birlashmasi narkolog-shifokori E. Sherimbetov, tuman IIB Xotin-qizlar masalalari bo‘yicha katta inspektori N. Xudaybergenova hamda “Shodlik» mahallasi yettiligi vakillari ishtrok qilishdi.
Uchrashuv davomida soha mutaxassislari tomonidan o‘quvchilarga va pedagogik jamoaga bolalarga nisbatan zo‘ravonlikning har qanday shakliga qarshi kurashish, voyaga yetmaganlar o‘rtasida salbiy odatlarning tarqalishiga yo‘l qo‘ymaslik hamda sog‘lom turmush tarzini qaror toptirish bo‘yicha atroflicha tushuntirishlar berildi.
Shuningdek, ishtirokchilarga huquqiy va tibbiy savodxonlikni oshirishga xizmat qiluvchi maxsus eslatmalar hamda bukletlar tarqatildi.