"Uch avlod uchrashuvi": To‘rtko‘l tumanida ma’naviy-ma’rifiy tadbir bo‘lib o‘tdi
2026-09-19 14:00:00 / Yangiliklar
"Uch avlod uchrashuvi": To‘rtko‘l tumanida ma’naviy-ma’rifiy tadbir bo‘lib o‘tdi
O‘zbekiston Respublikasi Prezidentining 2023-yil 11-martdagi PQ-92-sonli qarori ijrosini ta’minlash maqsadida To‘rtko‘l tuman "Nuroniylar jamoatchilik kengashi" hamda 16-sonli umumta’lim maktabi hamkorligida “Uch avlod uchrashuvi” ma’naviy-ma’rifiy tadbiri o‘tkazildi.
Tadbirda O‘zbekiston "Qizil yarim oy" jamiyati To‘rtko‘l tuman bo‘limi ijrochi direktori, 1-darajali "Mehnat fahriysi" ko‘krak nishoni sohibi A.Sultanov, “Mo‘tabar ayol”, “Ardoqli nuroniy”, 1-darajali “Mehnat fahriysi” ko‘krak nishoni sohibasi, tuman “Buvijonlar maktabi” kengashi rahbari H.Ibadullayeva, ko‘p yillar maktabda yoshlarga saboq bergan faxriy o‘qituvchi, "Bog‘ yop" MFY faol nuroniysi Z.Allaberganova, faxriy hisobchi R.Kurdasheva, shuningdek, "Nuroniy" jamg‘armasi To‘rtko‘l tuman bo‘limi mutaxassisi S.Rozmetova hamda maktabning 11-sinf o‘quvchi-yoshlari ishtirok etishdi.
Samimiy muloqot ruhida o‘tgan tadbirda nuroniylar o‘zlarining boy hayotiy yo‘llari, mehnat faoliyati va boshidan kechirgan sinovlari haqida so‘zlab berishdi. Shuningdek, yoshlarga puxta ilm olish, zamonaviy kasb-hunarlarni egallash hamda davlatimiz tomonidan yaratilayotgan keng imkoniyatlardan unumli foydalangan holda hayotda o‘z o‘rnini topish borasida o‘zlarining dildan chiqqan o‘git va tavsiyalarini berishdi.
Uchrashuv yoshlarda katta taassurot qoldirib, ularga kuchli motivatsiya bag‘ishladi.