Qoraqalpog`iston Rеspublikаsi To'rtko'l tumani hokimligi

To‘rtko‘lda «Halollik orollari» dasturi doirasida navbatdagi 3-seminar bo‘lib o‘tdi

To‘rtko‘l tumanida «O‘zbekistonda korrupsiyaga qarshi milliy ekotizimni mustahkamlash» loyihasi doirasida mahalliy davlat hokimiyati organlari xodimlari uchun navbatdagi o‘quv seminari tashkil etildi.
 

Mazkur seminar davlat boshqaruvida ochiqlikni ta’minlash va korrupsiyaga nisbatan murosasiz munosabatni shakllantirishga qaratilgan «Halollik orollari» dasturini amaliyotga tatbiq etishga bag‘ishlandi.
Seminar davomida davlat xizmatchilari tomonidan “Qaror qabul qilishda monopoliyani cheklash, shaffoflik va hisobdorlikni oshirish hamda halol mehnatdan keladigan foydani oshirish.” “Mahalliy davlat hokimiyati organlari faoliyatida ochiqlik va hisobdorlikni kuchaytirish” mavzularida so‘z yuritildi.
Ma’lumot uchun, Oʻzbekistonda mazkur metodologiya O‘zbekiston Respublikasi Korrupsiyaga qarshi kurashish agentligi va BMT Taraqqiyot dasturinng Yevropa Ittifoqi tomonidan moliyalashtirilayotgan “O‘zbekistonda korrupsiyaga qarshi milliy ekotizimni mustahkamlash" qo‘shma loyihasi doirasida amalga oshirilmoqda.