Toʻrtkoʻl tumani hokimligida tumanda kambagʻallikni qisqartirish borasida amalga oshirilayotgan va rejalashtirilgan ustuvor vazifalarga bagʻishlangan kengaytirilgan yigʻilish boʻlib oʻtdi
2026-03-30 10:00:00 / Yangiliklar
Toʻrtkoʻl tumani hokimligida tumanda kambagʻallikni qisqartirish borasida amalga oshirilayotgan va rejalashtirilgan ustuvor vazifalarga bagʻishlangan kengaytirilgan yigʻilish boʻlib oʻtdi
Yigʻilishni Qoraqalpogʻiston Respublikasi Vazirlar Kengashining Raisi Farxod Ermanov olib bordi. Tadbirda tuman hokimi I.Xudaybergenov, Qoraqalpogʻiston Respublikasi vazirlik va idoralari masʼullari, hokim oʻrinbosarlari, soha rahbarlari hamda mahalla faollari ishtirok etdi.
Oʻzbekiston Respublikasi Prezidentining 06.03.2026 yildagi “Ipakchilik sohasini yangi tizim asosida rivojlantirish hamda ozuqa bazasini mustahkamlashga doir qoʻshimcha chora-tadbirlar toʻgʻrisida”gi PQ-87-sonli qarori ijrosi yuzasidan topshiriqlar berildi.
Bundan tashqari Mahallalarda «Bir kontur — bir mahsulot» tamoyili asosida dehqonchilikni tashkil etish, aholi tomorqasida oziq-ovqat mahsulotlarini ekish ishlarini jadallashtirish, chorvachilik yoʻnalishidagi imtiyozli kreditlar ajratish, aholini naslli mol, qoʻy- echki va parranda yetishtirib berish orqali bandligini taʼminlash va daromadini oshirish maqsadida aholiga yetkazib berishni jadallashtirish kabi masalalar boʻyicha topshiriqlar berildi.