“Tadbirkor-elga madadkor: Tadbirkor ayol-qizlarga yaratilayotgan imkoniyatlar va natijalar”
2026-03-25 11:00:00 / Matbuot anjumanlari
“Tadbirkor-elga madadkor: Tadbirkor ayol-qizlarga yaratilayotgan imkoniyatlar va natijalar”
Bugun To‘rtko‘l tumani hokimligida o‘tkazilgan matbuot anjumanining bosh g‘oyasi “Tadbirkor ayol — jamiyat tayanchi va faqat farovonlik manbai” mazmunida bo‘ldi. Yangi O‘zbekiston taraqqiyot strategiyasi doirasida tashkil etilgan tadbirda “Tadbirkor-elga madadkor: Tadbirkor ayol-qizlarga yaratilayotgan imkoniyatlar va natijalar” mavzusi atroflicha muhokama qilindi.
Tadbirda tuman hokimi o‘rinbosari I.Jumaboeva ayollar tadbirkorligi doirasida olib borilgan ishlar va kelgusi rejalar bilan o‘rtoqlashdi.
Matbuot anjumani doirasida o‘z biznesini yo‘lga qo‘yib, nafaqat oilasini, balki mahalladosh ayollarni ham ish bilan ta’minlayotgan tadbirkor ayollarning muvaffaqiyat hikoyalari tinglandi.
Shuningdek, OAV vakillari va blogerlar (QQTV, "To‘rtko‘lnoma", "Mekan", Kar24.uz) sohadagi dolzarb savollarga javob olishdi.
Anjuman yakunida faqat muammolar aytilib qolmay, balki ularning yechimi sifatida ishsiz ayol-qizlarni kasbga yo‘naltirish bo‘yicha maxsus amaliy seminarlar tashkil etishga kelishib olindi.
Zero, bir ayolni tadbirkor qilish — butun bir oilani farovon qilish demakdir.