Qoraqalpog`iston Rеspublikаsi To'rtko'l tumani hokimligi

To‘rtko‘l tumani 1-son texnikumi: Yangi bosqich va yuksak maqsadlar sari

Mamlakatimizda ta’lim tizimini tubdan isloh qilish, ayniqsa, kasb-hunar o‘rgatish maskanlarini yangi davr talablariga moslashtirish ustuvor vazifaga aylandi.
O‘zbekiston Respublikasi Prezidentining Murojaatnomasida belgilangan 4-ustuvor yo‘nalish — kasblarni rivojlantirish va yangi mehnat bozori arxitekturasini shakllantirish, texnikumlarni mutlaqo yangi bosqichga olib chiqishni nazarda tutadi. Mazkur vazifalar  ijrosini ta’minlash va yoshlarga yetkazish maqsadida To‘rtko‘l tumani 1-son texnikumida davra suhbati va o‘rganish ishlari tashkil etildi.
Tadbirni texnikum direktori Z. Yusupova ochib berib, muassasaga tashrif buyurgan mehmonlar bilan talabalarni tanishtirdi hamda texnikumda joriy etilayotgan yangi o‘quv dasturlari haqida ma’lumot berdi.
O‘rganish jarayonida Qoraqalpog'iston Respublikasi Jo‘qarg‘i Kengesi deputati J. Settiyev, O'zLiDeP To'rtko'l tumani apparat boshlig‘i U. Bekjanov, Xalq deputatlari To'rtko'l tumani Kengashi kotibiyati mudiri B. Masharipov, To'rtko'l tuman Kengashi deputati Z. Xodjaniyazova hamda Respublika Ma'naviyat va ma’rifat markazi tuman bo‘linmasi rahbari S. Sultonovlar ishtirok qildilar.
Suhbat davomida yoshlarga "O‘zbekiston – 2030" strategiyasining mazmun-mohiyati hamda Murojaatnomada keltirilgan islohotlar keng tushuntirildi. Deputatlar va soha mutaxassislari bo‘lajak kadrlar bilan muloqotda bo‘lib, texnikum faoliyatini yanada takomillashtirish, yoshlarning zamonaviy kasblarni egallashlari uchun yaratilgan sharoitlar bilan tanishdilar.