Qoraqalpog`iston Rеspublikаsi To'rtko'l tumani hokimligi

To‘rtko‘lda navbatdagi “Hokimlik soati”: Muhim vazifalar belgilab olindi

Bugun To‘rtko‘l tumani hokimligining katta majlislar zalida tuman hokimi I.Xudaybergenov rahbarligida navbatdagi “Hokimlik soati” yig‘ilishi bo‘lib o‘tdi.
Yig‘ilishda tuman hokimi o‘rinbosarlari, tashkilot rahbarlari va soha mas’ullari ishtirok etdi. Kun tartibidan quyidagi muhim masalalar o‘rin oldi:
O‘zbekiston Respublikasi Prezidentining 2025 yil 19 sentyabrdagi PF-173-son Farmoni ijrosi doirasida aholi va qishloq xo‘jaligini ro‘yxatga olishning birinchi bosqichida mahalla faollarining ishi e’tirof etildi va ikkinchi bosqichda targ‘ibot ishlarini yanada kuchaytirish bo‘yicha ko‘rsatmalar berildi. Shuningdek, har bir korxona va tashkilot hududida manzarali va mevali daraxtlar ekish orqali yashil hududlarni kengaytirish vazifasi yuklatildi.
O‘z o‘rnida sohalarda shaffoflikni ta’minlash va korrupsiya holatlariga chek qo‘yish masalasiga alohida to‘xtalib o‘tildi.
Yig‘ilish yakunida mas’ullarga tegishliligi bo‘yicha topshiriqlar berildi.