Qoraqalpog`iston Rеspublikаsi To'rtko'l tumani hokimligi

Korrupsiyaga qarshi kurashishda fuqarolik tashabbuslari qo‘llab-quvvatlanmoqda!

O‘zbekiston Respublikasi Korrupsiyaga qarshi kurashish agentligi, Yevropa Ittifoqi va BMT Taraqqiyot dasturi (UNDP) hamkorligidagi «O‘zbekistonda korrupsiyaga qarshi kurashish milliy tizimini mustahkamlash» loyihasi doirasida kichik grantlar g‘oliblari aniqlandi.Unga ko‘ra Respublika bo‘yicha jami 105 ta ariza ko‘rib chiqildi va 9 ta hududdan 13 ta eng dolzarb loyiha moliyalashtirish uchun tanlab olindi.
“Uzbekistan Creative Association” NNT tomonidan Qoraqalpog‘istonda amalga oshirilayotgan ushbu «Ayollar tadbirkorligida korrupsiyaga qarshi immunitet: Nukus tajribasi» loyihasi ayollar tadbirkorligini korrupsiyasiz rivojlantirishga qaratilgan.
Loyiha doirasida 50 dan ortiq tadbirkor ayollar uchun huquqiy himoya bo‘yicha 4 ta maxsus trening. Shikoyatlarni ko‘rib chiqish uchun maxsus Huquqiy nazorat qo‘mitasi tashkil etiladi. Shu bilan birgalikda targ‘ibot tadbirlari uchun ishtirokchilarga 10 ta mikrogrant ajratiladi. Korrupsiya holatlari aks etgan o‘ziga xos «KEYS-XARITA» chop etiladi.
 Nukus shahri va Qoraqalpog‘iston bo‘ylab tadbirkor ayollarning huquqiy savodxonligi oshadi, korrupsiya holatlari bo‘yicha jamoaviy munosabat va raqamli xabar berish tizimi yo‘lga qo‘yiladi.
To‘rtko‘l tumani hokimligi katta majlislar zalida bo‘lib o‘tgan seminarda ishtirokchilarga aynan mana shu mavzularda amalga oshirilayotgan natijali ishlar borasida keng tushunchalar berildi. Seminarda tashkilotchilar tomonidan amalga oshirilayotgan ishlar to‘g‘risida keng tushunchalar berildi.
Unda Qoraqalpog‘iston Respublikasi Jo‘qorg‘i Kengesining Sud-huquq masalalari va korrupsiyaga qarshi kurashish qo‘mitasi raisi Atajanov Alisher, Korrupsiyaga qarshi kurashish agentligi direktori o‘rinbosari Umida To‘xtasheva, To‘rtko‘l tumani hokimi Ilhomboy Xudaybergenov, BMTTDning O‘zbekistondagi doimiy vakili Akiko Fujii va Yevropa Ittifoqining O‘zbekistondagi Delegatsiyasining Ikkinchi Kotibi va hamkorlik bo‘limi rahbari Xristos Marazopoulos hamda tumandagi tegishli soha vakillari, Nukus shahridagi loyiha ishtirokchilari(onlayn) va faollar  ishtirok etdilar.
Seminar davomida ishtirokchilarni  mavzu yuzasidan qiziqtirgan  savollari bo‘yicha mutaxassislar tomonidan to‘liq ma’lumotlar berildi.