#Ochiq_muloqot Sport: Sohada olib borilayotgan ishlar va natijalar
2025-12-24 14:00:00 / Yangiliklar
#Ochiq_muloqot
Sport: Sohada olib borilayotgan ishlar va natijalar
🇺🇿 Bugun tuman hokimligida bo‘lib o‘tgan ochiq muloqot tumanda sport sohasida olib borilayotgan ishlar va natijalar mavzusida ochiq muloqot bo‘lib o‘tdi.
Ochiq muloqotni tuman hokimligi Axborot xizmati rahbari M.Bekchanova olib bordi.
Ushbu ochiq muloqot davomida tuman sport maktabi direktori, Xalq deputatlari tuman Kengashi deputati Ergash Ibragimov so‘zga chiqib, yoshlarning sport yo‘nalishi bo‘yicha shug‘ullanib o‘z kuchi va g‘ayratini yuzaga chiqarishi uchun katta imkoniyatlar yaratilgani va buning natijasida Qoraqalpog‘iston chempionati va kuboklarida jami 150 ta medal, O‘zbekiston chempionati va kuboklarida jami 64 ta medal qo‘lga kiritilgan.
Xalqaro turnirlarda jami 2 ta oltin medal qo‘lga kiritilgan.
Osiyo chempionati va kubogi musobaqalarida jami 4 ta medal, 1 ta oltin, 1 ta kumush va 2 ta bronza medallarni qo‘lga kiritgan.
Jahon chempionati va kuboklarida jami 4 ta medal, 1 ta oltin, 3 ta bronza medallarni qo‘lga kiritganlar.
Sport maktabining tajribali trenerlaridan muay tay bo‘yicha Dusenov Kabuljon, para yengil atletika bo‘yicha Annamuratova Nilufar va ularning shug‘ullanuvchilaridan : O‘zbekiston Respublikasi chempionati va kubogi Osiyo va Jahon miqyosidagi nufuzli musobaqalarda yuqori natijalarga erishib kelayotgan S.Davletyorova, Ibragimova Mohichehra, M.Artikbaeva, Davletova Durdona va Kabuljanov Shaxriyorlar davlatimiz rahbarining sportga berilayotgan e’tibori sportchilarga yaratib berilayotgan shart-sharoitlar yangidan qurilayotgan sport ob’ektlari va maydonchalari to‘g‘risida to‘lqinlanib gapirdilar.
O‘z o‘rnida OAV vakillaridan “To‘rtko‘lnoma” gazetasi muharriri O‘.Nurullaeva yoshlarning intilishlari, kelajakdagi rejalari hamda sportchilarni shu darajaga yetkazgan murabbiylar borasida savollar berib, ularga berilayotgan imkoniyatlardan unumli foydalanishlariga tilak bildirdi.
Ushbu ochiq muloqotda tuman hokimi o‘rinbosari B.Yangibaev ham ishtirok qilib, yoshlarga kelgusi faoliyatiga omadlar tiladi.