Qoraqalpog`iston Rеspublikаsi To'rtko'l tumani hokimligi

Muhim masalalar muhokama qilindi
 
Bugun tuman hokimi I.Xudaybergenov rahbarligida bo‘lib o‘tgan yig‘ilishda tuman hokimi o‘rinbosarlari, korxona va tashkilotlar rahbarlari, mahalla raislari hamda hokim yordamchilari ishtirok etdi.
Yig‘ilishda “Mehr harakati” doirasida biriktirilgan oilalarni qo‘llab-quvvatlash borasida olib borilayotgan ishlar, tuman hududlarida obodonlashtirish ishlarini kuchaytirish, aholining qish mavsumini xavfsiz o‘tkazishi hamda aholi xatlovi ishlarini sifatli tashkil etish masalalari o‘rin oldi.
Barchamizga ma’lumki, bayram arafasida jamoat tartibini ta’minlash va favqulodda holatlarning oldini olish maqsadida tungi navbatchiliklar tashkil etildi, bugun esa avval berilgan topshiriqlar ijrosini nazorat qilishga qaratildi.
Shu bilan birgalikda aholiga qulaylik yaratish maqsadida arzonlashtirilgan savdo yarmarkalarini tuman markazi va olis hududlardagi savdo nuqtalarida tashkil etish yuzasidan ko‘rsatmalar berildi.
Yig‘ilish yakunida belgilangan vazifalar ijrosini qat’iy nazoratga olish, barcha ishlarni manzilli va samarali tashkil etish bo‘yicha mutasaddilarga tegishli ko‘rsatmalar berildi.