Viloyat hokimining topshirig‘iga asosan, Termiz shahar hokimi Sharofiddin Lolayev boshchiligida “Bog‘ishamol” mahallasida faol talabalar hamda mas’ul mutasaddilar ishtirokida uchrashuv o‘tkazildi.
2026-02-13 10:00:00 / Majlislar
Mazkur uchrashuv davomida mahalladagi ko‘p qavatli uylarning texnik pasportlarini tayyorlash, mavjud muammolarni tizimli ravishda o‘rganish va ularni bosqichma-bosqich bartaraf etish masalalari muhokama qilindi. Shuningdek, BSKlar faoliyatini namunali tashkil etish, aholiga ko‘rsatilayotgan kommunal xizmatlar sifatini yaxshilash, uy-joy fondini saqlash va obodonlashtirish ishlarini jadallashtirish yuzasidan aniq vazifalar belgilab olindi.
Suhbatda har bir ko‘p qavatli uy kesimida muammolarni aniqlash, mas’ullarni biriktirish va ijro muddatlarini belgilash bo‘yicha topshiriqlar berildi. Aholi manfaatlarini ustuvor yo‘nalish sifatida belgilagan holda, BSK faoliyatini shaffof va samarali yo‘lga qo‘yish, fuqarolarning murojaatlari bilan ishlash tizimini takomillashtirish muhim vazifa etib belgilandi.
Ta’kidlanganidek, belgilangan chora-tadbirlar ijrosi qat’iy nazoratga olinib, mahallada qulay va xavfsiz yashash muhitini yaratish, ko‘p qavatli uylar infratuzilmasini yaxshilash hamda aholining turmush darajasini oshirishga xizmat qiladi.
