Toyloqda Jamol Sirojiddin (Xumiy) nomidagi kutubxona foydalanishga topshirildi
2026-08-29 12:30:00 / Yangiliklar
Kutubxonaning ochilish marosimida Farmon Toshev, «Zarafshon» hamda «Samarqandskiy vestnik» gazetalari bosh muharriri, tuman hokimi Behzod Raxmatullayev, faxriylar, ijodkorlar, madaniyat sohasi xodimlari va jamoatchilik vakillari ishtirok etdi.
Tadbir ishtirokchilari kutubxona fondi hamda ijodkor xotirasiga bag‘ishlangan muzey bilan tanishdilar. Muzeydan Jamol Sirojiddin (Xumiy) hayoti va ijodiga oid turli eksponatlar, yodgorliklar, shuningdek, ijodkor qalamiga mansub 5 turdagi 200 dan ortiq kitob o‘rin olgan.
Kutubxona fondida esa 2 000 dan ortiq turli nomdagi kitoblar jamlangan bo‘lib, kitobxonlarning ma’naviy-ma’rifiy ehtiyojlarini qondirish uchun keng imkoniyatlar yaratilgan.
Ayniqsa, ko‘zi ojiz va imkoniyati cheklangan kitobxonlar uchun maxsus sharoitlar tashkil etilgani kutubxonaning barcha uchun ochiq va inklyuziv ma’rifiy maskan sifatida faoliyat yuritishidan dalolat beradi.
Yangi kutubxona nafaqat kitobxonlikni keng targ‘ib qilish, balki Jamol Sirojiddin (Xumiy)ning boy ijodiy merosini asrab-avaylash va kelajak avlodga yetkazishda muhim ma’naviy maskan bo‘lib xizmat qiladi.