Toyloqda Xitoy investorlari bilan investitsiyaviy hamkorlik istiqbollari muhokama qilindi
2026-08-05 15:45:00 / Yangiliklar
Tuman hokimi Behzod Rahmatullayev Zhiji Group direktorlar kengashi raisi va bosh direktori Ben Chji Syun (Ben Zhi Qun) boshchiligidagi Xitoy Xalq Respublikasi delegatsiyasini qabul qildi.
Uchrashuv davomida tuman iqtisodiyotiga xorijiy investitsiyalarni jalb etish, ipakchilik sanoatini rivojlantirish, pillachilikni yanada rag‘batlantirish hamda zamonaviy mato ishlab chiqarish korxonalarini tashkil etish masalalari muhokama qilindi.
Shuningdek, xorijiy investorlarga tumandagi mavjud ishlab chiqarish salohiyati, investitsiya loyihalarini amalga oshirish uchun ajratilgan bo‘sh yer maydonlari va yaratilgan qulay shart-sharoitlar yuzasidan taqdimot namoyish etildi.
Uchrashuv yakunida tomonlar o‘zaro manfaatli hamkorlikni yo‘lga qo‘yish, istiqbolli investitsiya loyihalarini amalga oshirish yuzasidan fikr almashdilar.