Samarqand viloyati Toyloq tumani hokimligi

Xususan, Katta Ravot mahallasida istiqomat qiluvchi Isomiddin Baxriyev o‘z xonadonidagi 5 sotixli issiqxonadan samarali foydalanib kelmoqda. U shu vaqtga qadar issiqxonada limon yetishtirish bilan shug‘ullangan bo‘lsa, endilikda tuman qishloq xo‘jaligi bo‘limi mutaxassislarining tavsiyasiga asosan issiqxonaning 3 sotix qismida banan yetishtirishni ham yo‘lga qo‘ydi. Mazkur maydonga 40 tup banan ko‘chati ekildi.

Ko‘p yillik dehqonchilik tajribasiga ega Isomiddin Baxriyev bananchilikni rivojlantirish orqali yuqori daromad olish mumkinligini ta’kidlar ekan, kelgusida bu yo‘nalishning sir-asrorlarini mahalladoshlari bilan bo‘lishishga, ularga amaliy ko‘mak berishga tayyor ekanini bildirdi.

Bugun Toyloq tumani hokimi Behzod Rahmatullayev Isomiddin Baxriyev xonadonida bo‘lib, issiqxonada yaratilgan sharoitlar hamda banan ko‘chatlarini parvarishlash jarayoni bilan yaqindan tanishdi.

Uchrashuvda mahalliy fermerlar va tomorqa egalari bilan muloqot qilinib, issiqxonalar tashkil etish, yuqori daromadli ekinlar, jumladan banan yetishtirishni kengaytirish yuzasidan tavsiya va takliflar berildi.