Toyloqda Ma'naviyat va ma'rifat kengashining kengaytirilgan yig‘ilishi bo‘lib o‘tdi
2026-07-15 17:30:00 / Yangiliklar
Unda kengash a'zolari, mahalla raislari, xotin-qizlar faollari, imom-xatiblar, otinoyilar, hoji ota va hoji onalar, yoshlar yetakchilari hamda jamoatchilik faollari ishtirok etdi.
Yig‘ilishni kengash raisi, tuman hokimi Behzod Raxmatullayev olib bordi. Dastlab, tumanda to‘y va marosimlarni tartibli hamda ixcham o‘tkazish borasida amalga oshirilayotgan ishlar yuzasidan mas'ullarning hisobotlari tinglandi. Xususan, kengash kotibi Z. Avazov bu borada olib borilayotgan ishlar va erishilgan natijalar haqida axborot berdi.
Muhokamalar davomida kengash a'zolari o‘z taklif va mulohazalari bilan ishtirok etib, to‘y va marosimlarni ortiqcha dabdabasiz, ixcham va namunali tarzda tashkil etish, aholi orasida yuksak ijtimoiy madaniyatni shakllantirish, oilaviy ajrimlarning oldini olish hamda ma'naviy-ma'rifiy ishlar samaradorligini oshirish yuzasidan jamoatchilikka murojaat qildi.
Yig‘ilish yakunida mas'ullarga belgilangan yo‘nalishlar bo‘yicha aniq vazifa va topshiriqlar berilib, ularning ijrosini ta'minlash yuzasidan tegishli chora-tadbirlar belgilandi.