Samarqand viloyati Toyloq tumani hokimligi

Uchrashuvlarda savdo-iqtisodiy hamkorlikni kengaytirish, qishloq xo‘jaligi va zamonaviy texnologiyalarni joriy etish masalalari muhokama qilindi.

Jumladan, Shanxay tadbirkorlar uyushmasi Savdo palatasi bosh kotibining ijrochi o‘rinbosari Sammi Vu Kongshan bilan tadbirkorlik va investitsion hamkorlik istiqbollari yuzasidan fikr almashildi.

Shuningdek, Maiyang qishloq xo‘jaligi kompaniyasi menejeri Tang Xanbo bilan qishloq xo‘jaligi mahsulotlarini yetishtirish va qayta ishlash bo‘yicha hamkorlik masalalari ko‘rib chiqildi.

Shanxay Xuyeng qishloq xo‘jaligi texnikasi xizmat ko‘rsatish bo‘yicha professional kooperativi bosh direktori Mei Qingbo bilan qishloq xo‘jaligi texnikalarini yetkazib berish, texnik xizmat ko‘rsatish va ishlab chiqarish yo‘nalishlarida hamkorlik qilish yuzasidan muzokaralar olib borildi.

Bundan tashqari, Netafim (Guanchjou) qishloq xo‘jaligi texnologiyalari kompaniyasi savdo menejeri Vang Xaydong bilan suvni tejovchi tomchilatib sug‘orish tizimlarini qishloq xo‘jaligi, issiqxonalar va akvakultura sohalarida joriy etish bo‘yicha takliflar muhokama qilindi.

Mazkur uchrashuvlar Toyloq tumani bilan Xitoy kompaniyalari o‘rtasida investitsion, innovatsion va savdo-iqtisodiy hamkorlikni yanada rivojlantirish, ilg‘or texnologiyalarni hududga jalb etish hamda qishloq xo‘jaligi sohasida zamonaviy tajribalarni amaliyotga tatbiq etishda muhim qadam bo‘lib xizmat qiladi.