Qoraqalpog'iston Respublikasi Taxtako'pir tumani hokimligi

"Yil ayoli" milliy ko‘rik-tanlovining tuman bosqichi o‘tkazildi

Bugun Taxtako‘pir tumani Madaniyat markazida tuman Oila va xotin-qizlar bo‘limi tashabbusi bilan "Yil ayoli" milliy ko‘rik-tanlovining tuman bosqichi bo‘lib o‘tdi.

Mazkur tanlovda mahallalardan mamlakatimiz siyosiy, iqtisodiy va ijtimoiy hayotida faol ishtirok etib, oilada va farzand tarbiyasida ibrat ko‘rsatgan, o‘z mehnat jamoasida yuqori natijalarga erishgan faol ayollar qatnashdi.

Tanlov natijalari quyidagicha bo‘ldi:

• "Yilning eng yaxshi ijodkor ayoli" — Barkamol avlod bolalar maktabi o‘qituvchisi Asmagieva Roza
• "O‘z kasbining ustasi bo‘lgan yil ayoli" — Utambetova O‘rinbasqan
• "Yilning eng kuchli ma’naviy-ma’rifiy targ‘ibotchisi" — Utemuratova Roza
• "Yilning eng jonkuyar ustozi" — Tulegenova Aynur
• "Yilning eng sog‘lom turmush tarzi targ‘ibotchisi" — Joldasbayeva Jengisgul

G‘olib va sovrindorlar Qoraqalpog‘iston Respublikasi bosqichiga yo‘llanmani qo‘lga kiritdi.

Shuningdek, tanlovda faol ishtirok etgan boshqa ayollar tuman hokimligining faxriy yorlig‘i va qimmatbaho sovg‘alari bilan taqdirlandilar.