Huquqbuzarlik va jinoyatchilikning erta oldini olish bo‘yicha targ‘ibot-tashviqot ishlari olib borildi
2025-05-01 20:50:00 / Yangiliklar
O‘zbekiston Respublikasi Prezidentining 2025 yil 3 yanvardagi "2025 yilda respublika mahallalarida xavfsiz muhitni yaratish, huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi PQ-1-sonli qarori qabul qilingan edi.
Ushbu qaror ijrosini ta’minlash maqsadida tumandagi "qizil" toifaga kiritilgan "A.Adilov" OFY hududida mahallada xavfsiz muhit yaratish, yoshlar o‘rtasida huquqbuzarlik va jinoyatchilikning erta oldini olish bo‘yicha targ‘ibot-tashviqot ishlari olib borildi.
Tadbirda tuman hokimi o‘rinbosari Sh.Bekturganov, huquq-tartibot idoralari vakillari, mahalla mas’ullari, ta’lim muassasalari xodimlari va hudud aholisi ishtirok etdi.
Tadbir davomida yoshlar o‘rtasida huquqbuzarliklarning sabablari, ularning oqibatlari va jinoiy javobgarlik masalalari bo‘yicha tushuntirish ishlari olib borildi. Shuningdek, jinoyatchilikning oldini olishda oila, ta’lim muassasalari va mahallaning o‘rni alohida ta’kidlab o‘tildi.