🌾 Qishloq xo‘jaligi ekinlari urug‘larining sifatini baholash uchun “Yangi tizim” joriy etildi!
2026-09-10 19:00:00 / Yangiliklar
🌾 Qishloq xo‘jaligi ekinlari urug‘larining sifatini baholash uchun “Yangi tizim” joriy etildi!
Qishloq xo‘jaligi ekinlari urug‘larining sifatini baholashda ochiq va bozor tamoyillariga asoslangan tartibni joriy etish, sohaga xalqaro tajribalarni keng tatbiq etish orqali eksportbop qishloq xo‘jaligi mahsulotlarini yetishtirishni ko‘paytirish, oziq-ovqat xavfsizligi hamda narxlar barqarorligini ta’minlash maqsadida 2025-yil 7-iyulda O‘zbekiston Respublikasi Prezidentining “Qishloq xo‘jaligi ekinlari urug‘larining sifatini baholash tizimini tubdan isloh qilish chora-tadbirlari to‘g‘risida”gi PF-109-son Farmoni qabul qilindi.
O‘zbekistonda urug‘lar sifatini baholashning yangi tizimi joriy etiladi. Ushbu tizim orqali har bir urug‘lik qadoqlanib, raqamli QR-kodli yorliqlar bilan ta’minlanishi shart.
Bunda urug‘likdan foydalanuvchilar urug‘ sotib olish vaqtida uning raqamli QR-kodli yorlig‘i mavjudligini tekshirish orqali sifati kafolatlangan urug‘likka ega bo‘lishlari mumkin.
2026-yildan boshlab raqamli QR-kodli yorliqlanmagan hamda yaroqli ekinboplik xulosasi olinmagan qishloq xo‘jaligi ekinlari urug‘liklarini realizatsiya qilgan tadbirkorlik subyektlariga bazaviy hisoblash miqdorining 150 baravarigacha miqdorda ma’muriy jarima qo‘llanilishi mumkin.
2027-yil hosili uchun kuzgi boshoqli don ekinlarini ekish ishlarini agrotexnik tadbirlarga amal qilgan holda belgilangan va maqbul muddatlarda amalga oshirish hamda yuqorida belgilangan talablarga, ya’ni QR-kodli yorliqlanmagan va yaroqli ekinboplik xulosasi mavjud bo‘lmagan urug‘liklarni realizatsiya qilgan yoki ekish uchun foydalangan subyektlarga qonunchilikda belgilangan tartibda tegishli choralar ko‘rilishi haqida eslatib o‘taman.
O‘zagroinspeksiyaning Taxtako‘pir tumani bo‘limi boshlig‘i
Xo‘jamuratov Azat Saparbayevich