Qoraqalpog'iston Respublikasi Taxtako'pir tumani hokimligi

2026-yil davomida fuqarolarning murojaatlari bilan ishlash bo‘yicha olib borilgan ishlar haqida Taxtako‘pir tumani hokimi J.Adilovning xalqqa murojaati

O‘zbekiston Respublikasi Prezidentining 2019 yil 17 yanvardagi PF-5633-sonli "Aholi muammolari bilan ishlash tizimini yanada takomillashtirish chora-tadbirlari to‘g‘risida"gi Farmoni asosida fuqarolar muammolarining ijobiy yechimini topish bo‘yicha ishlar yo‘lga qo‘yilgan.

O‘zbekiston Respublikasi Prezidentining virtual hamda Xalq qabulxonasiga Taxtako‘pir tumanida yashovchi fuqarolardan 2026-yil davomida jami 163 murojaat kelib tushgan bo‘lib, shundan 70 murojaat ijobiy hal etilgan bo‘lsa, 68 murojaatga huquqiy tushuntirishlar berilgan, qolgan 25 murojaat bo‘yicha o‘rganish ishlari davom etmoqda.

Bugungi kunda kelib tushayotgan murojaatlarning aksariyati ish bilan ta’minlash va moddiy yordam masalalaridan iborat. Ushbu murojaatlarni ijobiy hal etish va aholini doimiy daromad manbai bilan ta’minlash maqsadida bir qancha ishlar amalga oshirilmoqda.

Xususan, O‘zbekiston Respublikasi Prezidentining 2026-yil 5-fevral kungi PQ-49-sonli qaroriga asosan, Taxtako‘pir tumanida aholining bandligini ta’minlash va yangi ish o‘rinlarini yaratish maqsadida jami 5 229 ish o‘rinlari reja etib belgilab olingan bo‘lib shundan:

- aholini doimiy ish o‘rinlariga joylashtirish hisobiga 1128 ta ish o‘rni;

- fuqarolarni daromadini oshirishga qaratilgan xizmatlar bilan qamrab olish orqali 3256 ish o‘rni;

- norasmiy ish o‘rinlarini legallashtirish hisobiga 845 ta yangi ish o‘rinlari yaratiladi.

- Shu bilan birga, "Oilaviy tadbirkorlikni rivojlantirish"da 14,2 mlrd. so‘mlik imtiyozli kreditlarni ajratish hisobidan 709 dan ortiq fuqarolarning bandligi ta’minlanadi.

Shuningdek, joriy yilda 340 mlrd 968 mln so‘mlik 9 ta investitsiya loyihasi amalga oshirilishi natijasida 228 ta ish o‘rni yaratilishiga erishiladi.

Bundan tashqari, O‘zbekiston Respublikasi Prezidentining 2026-yil 5-fevral kungi

49-sonli qaroriga asosan, tuman hududidagi og‘ir mahallalar qatoriga kiritilgan.

8 ta mahalla hududida jami 24 mlrd. so‘mlik qurilish-ta’mirlash va obodonlashtirish ishlarini amalga oshirish belgilangan, shuningdek, mahalladagi ehtiyojmand xo‘jaliklarni moddiy jihatdan qo‘llab-quvvatlashni tashkil etish maqsadida ushbu og‘ir mahallalarga quyosh fotoelektr stansiyasini qurish rejalashtirilmoqda (har bir mahallaga 300 kVt).

Ichki yo‘llarni yaxshilashga qaratilgan dasturlar doirasida Vazirlar Mahkamasining 2024-yil 11-oktyabrdagi 665-sonli qaroriga asosan 2026-yilda tuman hududida jami 24 km. ichki yo‘llarni ta’mirlash belgilangan bo‘lib, bugungi kunda manzilli ro‘yxati tasdiqlanib, ijroga qaratildi.

Muhtaram Prezidentimiz tashabbusi bilan ijtimoiy himoyaga muhtoj oilalarni har tomonlama qo‘llab-quvvatlash bo‘yicha "Ramazon - mehr-oqibat, hamjihatlik va shukronalik oyi" shiori ostida keng ko‘lamli kompleks dastur amalga oshirildi.

O‘zbekiston Respublikasi Prezidentining 2026 yil 17 fevral kungi "Muborak Ramazon oyida aholining yordamga muhtoj qatlamlarini davlat tomonidan ijtimoiy qo‘llab-quvvatlash choralari to‘g‘risida"gi 67-sonli qarori asosida tumanimizda yashovchi ijtimoiy reestrga kiritilgan 900 dan ortiq oilaga 675 million so‘mlik moddiy yordamlar ajratib berildi.

Moddiy yordam ko‘rsatish jarayoni ochiqlik va manzillilik tamoyillari asosida davom ettirilmoqda.

Shu bilan birga tuman hokimi tomonidan o‘tkazilgan sayyor qabullar hamda murojaatlarning ijobiy yechimini topish bo‘yicha olib borilayotgan ishlar tuman hokimligining ijtimoiy tarmoqlarida, tumanlik "Taxtakópir tańı" gazetasida e’lon qilib borish yo‘lga qo‘yildi.

Aholining bugungi kundagi muammolarini aniqlash va bu muammolarni ijobiy hal etish, ayniqsa aholining yordamga muhtoj bo‘lgan qatlamidagi oilalarning ahvolidan xabar olish va ularning ehtiyojlarini qondirishda tuman hokimligi tomonidan kelgusi vaqtlarda ham ishlar davom ettiriladi.