Qoraqalpog'iston Respublikasi Taxtako'pir tumani hokimligi

🌸 Navro‘z bayrami munosabati bilan mahallalarda keng ko‘lamli bayram tadbirlari tashkil etilmoqda

Bugun Taxtako‘pir tumani "Taxtako‘pir" SHFY hududida umumxalq Navro‘z bayrami munosabati bilan ko‘tarinki ruhda keng ko‘lamli bayram tadbirlari tashkil etildi.

Ushbu tadbirda milliy qadriyatlarimizni o‘zida mujassam etgan urf-odat va an’analar namoyish etilib, milliy taomlar ko‘rgazmalari, xalq sayillari hamda turli madaniy-ma’rifiy chiqishlar yuqori saviyada o‘tkazildi.

Shuningdek, nuroniylar tomonidan yurtimiz tinchligi, xalqimiz farovonligi va totuvligi uchun tilaklar bildirilib, yosh avlodga milliy qadriyatlarimizni asrab-avaylash, Vatanga sadoqatli bo‘lish bo‘yicha muhim targ‘ibotlar berildi.

Bayram tadbirlari davomida kuy-qo‘shiqlar, badiiy chiqishlar va milliy o‘yinlar barchaga bayramona kayfiyat ulashib, Navro‘zning ezgulik, yangilanish va hamjihatlik timsoli ekanini yana bir bor namoyon etdi.