Qoraqalpog'iston Respublikasi Taxtako'pir tumani hokimligi

Taxtako‘pirda "Olimpiya cho‘qqilari" musobaqalariga tayyorgarlik ko‘rilmoqda

Bugun Taxtako‘pir tumanidagi 3-sonli maktabning majlislar zalida sport sohasi mutasaddilari ishtirokida muhim seminar o‘tkazildi. Tadbir 2026 yilgi "Olimpiya cho‘qqilari" sport musobaqalarining 1-bosqich o‘yinlarini yuqori saviyada tashkil etishga bag‘ishlandi.

Seminarga tuman hokimi o‘rinbosari Sh.Bekturǵanov, Qoraqalpog‘iston Respublikasi Sport vaziri o‘rinbosari A.S.Qalbayev va Sport maktabi direktori B.Jarımbetov rahbarlik qildi.

Tadbirdan ko‘zlangan asosiy maqsad, sport maktabining trener-o‘qituvchilari va maktablarning jismoniy tarbiya o‘qituvchilariga musobaqa nizomi va o‘tkazish tartibini tushuntirish, birinchi bosqich o‘yinlarini ochiq-oydin va tashkiliy ravishda tashkil etish bo‘yicha ko‘rsatmalar berish, yosh sportchilarni tanlash jarayoniga mas’uliyat bilan yondashish hisoblanadi.

Seminardan so‘ng, Sport vaziri o‘rinbosari A.S.Qalbayev tumandagi sport maktabi va umumta’lim maktablaridagi sport inshootlarining holatini ko‘zdan kechirdi. O‘rganish davomida aniqlangan xato-kamchiliklar yuzasidan sport maktabi direktorlari va xodimlariga zarur tavsiyalar berildi.