Taxtako‘pir tumani hokimligining majlislar zalida Xalq deputatlari Taxtako‘pir tumani Kengashining navbatdagi o‘n yettinchi sessiyasi bo‘lib o‘tdi.
2026-01-26 18:45:00 / Yangiliklar
Bugun Taxtako‘pir tumani hokimligining majlislar zalida Xalq deputatlari Taxtako‘pir tumani Kengashining navbatdagi o‘n yettinchi sessiyasi bo‘lib o‘tdi.
Sessiya ishida siyosiy partiyalar, tumandagi muassasa, korxona, tashkilot rahbarlari va mahalliy ommaviy axborot vositalari vakillari ishtirok etdi.
Sessiyani Xalq deputatlari tumanlik Kengashi raisi Reyov Allayar olib bordi.
Sessiya kun tartibiga muvofiq:
- Taxtako‘pir tumani prokuraturasi tomonidan qonunchilikni mustahkamlash, fuqarolarning huquq va erkinliklarini, jamiyat va davlatimizning qonun bilan belgilangan manfaatlarini himoya qilish, jinoyatchilikka qarshi kurashish va huquqbuzarlik profilaktikasi bo‘yicha 2025 yilning 12 oyi davomida amalga oshirilgan ishlari to‘g‘risida;
- 2025 yilning 12 oyi davomida Taxtako‘pir tumani prokuraturasi tomonidan O‘zbekiston Respublikasi Prezidentining 2025 yil 3 yanvardagi PQ-1-sonli qarorining ijrosi bo‘yicha tuman hududida amalga oshirilgan ishlari to‘g‘risida;
- Taxtako‘pir tumani Ichki ishlar bo‘limi tomonidan 2025 yilning 12 oyi davomida jinoyatchilikka qarshi kurashish, jamoat tartibini saqlash va fuqarolar xavfsizligini ta’minlash bo‘yicha amalga oshirilgan ishlari to‘g‘risida;
- Taxtako‘pir tumani Tibbiyot birlashmasi tomonidan aholiga tibbiy yordam ko‘rsatish va tibbiy xizmat sifatini yaxshilash bo‘yicha 2025 yilning 12 oyi davomida amalga oshirilgan ishlari to‘g‘risida;
- O‘zbekiston Respublikasi Prezidentining Taxtako‘pir tumanidagi Xalq qabulxonasiga 2025 yil davomida jismoniy va yuridik shaxslardan kelib tushgan murojaatlar va muammolarni atroflicha tahlil qilish to‘g‘risida;
- 2025 yil davomida "Tashabbusli byudjet" jarayoni jamoatchilik fikri asosida shakllantirilgan chora-tadbirlar bo‘yicha amalga oshirilgan ishlar to‘g‘risida;
- Xalq deputatlari Taxtako‘pir tuman Kengashining va doimiy komissiyalarining 2025 yilning I yarim yilligiga mo‘ljallangan ish-rejalarini tasdiqlash to‘g‘risidagi masalalari ko‘rib chiqildi.
Sessiya kun tartibidagi masalalar yuzasidan deputatlar o‘z fikr va takliflarini bildirdi. So‘ngra ko‘rilgan masalalar bo‘yicha Xalq deputatlari Taxtako‘pir tumani Kengashi tomonidan tegishli qarorlar qabul qilindi.