2026 yildan boshlab “Barkamol avlod” bolalar maktablari “Kelajak” markazlari sifatida faoliyat yuritadi
2026-01-09 15:30:00 / Yangiliklar
2026 yildan boshlab “Barkamol avlod” bolalar maktablari “Kelajak” markazlari sifatida faoliyat yuritadi
O‘zbekiston Respublikasi Prezidentining 2025 yil 8 sentyabrdagi “Maktabdan tashqari ta’limni yangi bosqichga olib chiqish to‘g‘risida”gi 277-sonli qaroriga muvofiq, respublika bo‘ylab “Barkamol avlod” bolalar maktablari negizida “Kelajak” markazlari tashkil etilmoqda.
Mazkur qaror ijrosi doirasida Qoraqalpog‘iston Respublikasi “Kelajak” markazi direktori R. Toshimov Taxtako‘pir tumanida bo‘lib, markaz xodimlari, o‘quvchilar hamda ularning ota-onalari bilan uchrashuv o‘tkazdi.
Uchrashuv davomida qarorning mazmun-mohiyati, “Kelajak” markazlarining maqsad va vazifalari, shuningdek, yaratilayotgan imkoniyatlar haqida batafsil tushuntirishlar berildi.
Shuningdek, kelgusida markazda 7 ta yo‘nalish bo‘yicha jami 45 ta to‘garak faoliyatini yo‘lga qo‘yish rejalashtirilgani ta’kidlanib, bu orqali o‘quvchi yoshlarga qo‘shimcha bilim va kasb-hunar o‘rgatish, ularning bo‘sh vaqtini mazmunli tashkil etish maqsad qilingani qayd etildi.