Qoraqalpog'iston Respublikasi Taxtako'pir tumani hokimligi

Taxtako‘pir tumani elektr ta’minoti korxonasining yangi binosi foydalanishga topshirildi

Bugun Taxtako‘pir tumanida tuman elektr ta’minoti korxonasining yangi binosi foydalanishga topshirilishi munosabati bilan tantanali ochilish marosimi bo‘lib o‘tdi.

Tadbirda tuman hokimi J.Adilov, soha mutasaddilari va keng jamoatchilik vakillari ishtirok etdi. Unda so‘zga chiqqanlar 22-dekabr - "Energetiklar kuni" va Yangi yil bayrami arafasida zamonaviy yangi bino va xizmat avtomashinasi foydalanishga topshirilgani bilan yig‘ilganlarni samimiy qutlab, ushbu binoning hudud elektr ta’minoti tizimini yanada takomillashtirishdagi ahamiyatini alohida ta’kidladi.

Ta’kidlash joizki, O‘zbekiston Respublikasi Prezidentining 2020-yil 11-noyabrdagi PQ-4889-sonli qarori asosida ushbu obyektning qurilishi uchun 5 mlrd. 171 mln so‘m mablag‘ ajratilgan bo‘lib, qurilish jarayonida energiya tejamkor va zamonaviy texnologiyalardan keng foydalanildi va bino barcha zamonaviy talablarga mos holda qurildi.

Yangi bino elektr ta’minoti korxonasi xodimlari uchun qulay mehnat sharoitlarini yaratish, aholiga ko‘rsatilayotgan xizmatlar sifatini oshirish va elektr ta’minoti tizimining barqaror ishlashini ta’minlashga asos bo‘ladi.