Taxtako‘pir tumanidagi 2-sonli maktabda "O‘zbekiston - bag‘rikeng diyor" mavzusida ma’naviy-ma’rifiy tadbir bo‘lib o‘tdi
2025-11-13 20:30:00 / Yangiliklar
Taxtako‘pir tumanidagi 2-sonli maktabda "O‘zbekiston - bag‘rikeng diyor" mavzusida ma’naviy-ma’rifiy tadbir bo‘lib o‘tdi
1995-yil 16-noyabrda Parijda YUNESKO Bosh konferensiyasining 28-sessiyasida "Bag‘rikenglik tamoyillari deklaratsiyasi" qabul qilingan bo‘lib, bu sana har yili "Xalqaro bag‘rikenglik kuni" sifatida nishonlanadi.
Shu munosabat bilan Taxtako‘pir tumanidagi 2-sonli umumiy o‘rta ta’lim maktabida "O‘zbekiston - bag‘rikeng diyor" mavzusida ma’naviy-ma’rifiy tadbir bo‘lib o‘tdi.
Tadbir davomida o‘quvchilar tomonidan turli millatlarning milliy taomlari ko‘rgazmasi, kuy va qo‘shiqlar, shuningdek, milliy o‘yinlar mahorat bilan ijro etildi. Yoshlar o‘z chiqishlari orqali mamlakatimizda millatlararo totuvlik va o‘zaro hurmat qadriyatlari chuqur shakllanganini namoyon etdi.
Kecha yakunida "Bag‘rikenglik haftaligi" doirasida faol ishtirok etgan o‘quvchilar va pedagog o‘qituvchilar tuman hokimligi hamda Din ishlari bo‘yicha qo‘mitasi tomonidan faxriy yorliq va qimmatbaho sovg‘alar bilan taqdirlandi.