Qoraqalpog'iston Respublikasi Taxtako'pir tumani hokimligi

Taxtako‘pir tumanida korrupsiyaga qarshi kurashish masalalariga bag‘ishlangan uchrashuv o‘tkazildi

Bugun Taxtako‘pir tumanida Qoraqalpog‘iston Respublikasi Vazirlar Kengashining Korrupsiyaga qarshi ichki nazorat bo‘limi boshlig‘i B.Matmuratov va Iqtisodiy jinoyatlarga qarshi kurashish departamenti Qoraqalpog‘iston Respublikasi boshqarmasi bo‘limi boshlig‘i R.Sadikov ishtirokida huquqbuzarliklarning oldini olish, jinoyatchilikka qarshi kurashish va korrupsiyaviy holatlarning oldini olish masalalariga bag‘ishlangan uchrashuv bo‘lib o‘tdi.

Tadbirda tuman hokimligi, huquqni muhofaza qiluvchi organlar, tashkilot va muassasa rahbarlari hamda mahalla faollari ishtirok etdilar.

Uchrashuvda korrupsiyaga qarshi kurashishning samarali mexanizmlarini kuchaytirish, fuqarolar o‘rtasida huquqiy madaniyatni yuksaltirish, shaffoflik va ochiqlik tamoyillarini hayotga tatbiq etish masalalari atroflicha muhokama qilindi.

B.Matmuratov o‘z chiqishida korrupsiyaning ijtimoiy-iqtisodiy rivojlanishga salbiy ta’siri, davlat xizmatchilarining halollik tamoyillariga amal qilishi hamda har bir rahbar shaxsiy mas’uliyatini oshirish zarurligini alohida ta’kidladi.

Uchrashuv yakunida ishtirokchilarga korrupsiyaning oldini olish bo‘yicha amaliy tavsiyalar berildi hamda qonunchilikdagi so‘nggi o‘zgarishlar haqida ma’lumotlar yetkazildi.