Universitet professor-o‘qituvchilari va talabalar bilan uchrashuvda O‘zbekiston Respublikasi Suv xo‘jaligi vaziri Sh.Xamrayev, “Toshkent irrigatsiya va qishloq xo‘jaligini mexanizatsiyalash muhandislari instituti” Milliy-tadqiqot universiteti rektori B.Mirzayev va boshqalar so‘zga chiqib, mamlakatimiz suv xo‘jaligi sohasi uchun bilimli, zamonaviy fikrlaydigan, bugungi kun talablariga har tomonlama javob beradigan mutaxassis-kadrlar tayyorlash, fan-ta’lim va amaliyot uyg‘unligiga erishish borasidagi muammolar, istiqboldagi vazifalar haqida so‘z yuritdilar.

Ochiq va samimiy tarzda kechgan suhbat chog‘ida vazirlik va universitet o‘rnasidagi o‘zaro manfaatli aloqalarni yanada kengaytirish, universitet talabalari uchun “Suv xo‘jaligi vazirligi stipendiyasi”ni joriy etish bilan bog‘liq meyoriy-huquqiy hujjatlarni tezroq yakunlash, talabalarning ishlab chiqarish amaliyotini suv xo‘jaligi tashkilotlarida o‘tash ishlarini yanada takomillashtirish, bitiruvchi talabalarni ish bilan ta’minlash ko‘lamini kengaytirish kabi qator vazifalar belgilab olindi.

Talabalarni qiziqtirgan savollarga batafsil javob qaytarildi.

Axborot xizmati