UMIDA SODIQOVA “YILNING ENG FAOL OLIMA AYOLI” NOMINATSIYASI G‘OLIBASI BO‘LDI
2024-11-06 11:05:00 / Yangiliklar
Joriy yilning 4-noyabr kuni “Yil ayoli” milliy tanlovining Mirzo Ulug‘bek tumani bosqichi o‘tkazildi. Unda tumanda joylashgan vazirlik, idora va tashkilotlarda faoliyat yuritayotgan faol xotin-qizlar ishtirok etdi.
Tanlovda 30 ga yaqin xotin-qizlar orasidan Irrigatsiya va suv muammolari ilmiy-tadqiqot institutining Gidroekologiya va suv resurslarini muhofaza qilish laboratoriyasi mudiri, kimyo fanlari nomzodi Umida Sodiqova “Yilning eng faol olima ayoli” nominatsiyasi bo‘yicha g‘oliblikni qo‘lga kiritdi.
U ilmiy faoliyati davomida ko‘plab shogird-yoshlarning kamol topishiga munosib hissa qo‘shishi barobarida 70 ga yaqin ilmiy ishlarni bajarib, ilmiy jurnallarda ko‘plab maqolalar, monografik qo‘llanmalar e’lon qilgan.
Tanlovning keyingi bosqichlarida munosib ishtirok etishida U.Sodiqovaga muvaffaqiyatlar tilab qolamiz.
Axborot xizmati