Prezidentimiz tashabbusi va topshiriqlari bilan aholi murojaatlarini o‘rganish va hal etishda rahbarlarning joylarda ommaviy va sayyor qabullar o‘tkazish amaliyoti yo‘lga qo‘yilganligi muammolarning manzilli yechimida muhim omil bo‘lib xizmat qilmoqda.
2025-02-22 20:50:00 / Yangiliklar
Bugun Surxondaryo viloyati hokimi Ulug‘bek Qosimov boshchiligida viloyat sektor rahbarlari onlayn formatdagi navbatdagi qabulni Muzrabot tumanida o‘tkazdi. Unda Xalq qabulxonalari orqali viloyat rahbarining qabulini so‘ragan hamda turli masalalarda murojaat qilgan 156 nafar fuqaroning muammosi tinglandi.
Termiz shahri va tumanlar studiyalari orqali fuqarolarning davolanish, uy-joy olish, qurish yoki ta’mirlash uchun subsidiya ajratish, yo‘llarni ta’mirlash, ishga joylashish, o‘zini o‘zi band qilish uchun jihoz ajratish, elektr energiya va ichimlik suvi ta’minoti, kadastr, tibbiyot va ta’lim tizimidagi muammolar hamda boshqa masalalardagi 187 ta murojaati tinglandi.
Qabul davomida murojaatlarning 39 tasi ijobiy hal etildi. Ijrosi muddat va qo‘shimcha o‘rganish talab qiladigan murojaatlar mas'ullarga hal etish topshirig‘i bilan yo‘naltirildi.