Surxondaryo viloyati hokimi Ulug‘bek Qosimov bugun hududlarga tashrifini Jarqo‘rg‘on tumanidan boshladi.
2024-12-24 15:20:00 / Yangiliklar
Loyiha Xitoyning "China Geo-Engineering Corporation" kompaniyasi tomonidan amalga oshirilmoqda. Viloyat rahbari pudratchi korxona va hudud mutasaddilari bilan loyihaning borishini muhokama qilib, ishlarni jadallashtirish, sug‘orish mavsumiga qadar rejalashtirilgan qismini yakunlash lozimligini qayd etdi.
Shuningdek, shu yerning o‘zida "Zoom" platformasi orqali tumanlarda irrigatsiya tarmoqlarini rekonstruksiya qilish, betonlash, texnikalarni bahorgi ishlov mavsumiga tayyorlash, dala chetlariga ko‘chatlar ekish ishlarining borishi, berilgan vazifalar ijrosi muhokama qilindi. O‘rganishlar davomida aniqlangan xato va kamchiliklar sanab o‘tilib, ularni bartaraf etish, vazifalarni sifatli bajarish yuzasidan chora-tadbirlar belgilab berildi.
Ayni tinim davridan unumli foydalangan holda texnikalar shayligini yakunlash, betonlash ishlarini jadallashtirish, dala chetlaridan samarali foydalanish, "yashil belbog‘"lar yaratish ishlarini sifatli bajarish yuzasidan vazifalar belgilab berildi.