Mirzaobodda qishloq xo‘jaligi sohasida amalga oshirilayotgan ishlar ko‘zdan kechirildi
2025-04-23 14:05:00 / Yangiliklar
Bugun Erkinjon Turdimov Mirzaobod tumanida qishloq xo‘jaligi sohasida samaradorlikni oshirish borasida amalga oshirilayotgan ishlar bilan yaqindan tanishdi.
Hududlarni ko‘zdan kechirib, fermerlar va ishlab chiqaruvchilar o‘rtasidagi hamkorlikni yaxshilash, innovatsion va suv tejovchi texnologiyalarni joriy etish bo‘yicha navbatdagi vazifalarni belgilab berdi.
Viloyat rahbari Sirdaryo meliorativ ekspeditsiya tuman bo‘limi hamda veterenariya va chorvachilikni rivojlantirish bo‘limi faoliyati bilan ham tanishdi.
Ishchi va rahbar xodimlar bilan muloqot olib borib, suv iste`molchilari bilan ishlash, meliorativ tadbirlarni amalga oshirish va hududdagi suv resurslaridan samarali foydalanishni ta`minlash, shuningdek, chorvachilikni rivojlantirish borasida olib borilayotgan ishlari hisobini so‘radi.
Savol va javoblardan so‘ng, ushbu bo‘limlarning faoliyati bugungi kun talabiga javob bermasligini bildirib, viloyat mas`ullariga bo‘limlar faoliyatini tubdan yaxshilash hamda kadrlar ko‘nimsizligiga barham berish borasida qator topshiriqlarini berdi.