Sirdaryo vilоyati hоkimligi

Erkinjon Turdimov viloyat markazida joylashgan qator sport muassasalari faoliyati bilan tanishdi. Xususan, Guliston olimpiya va paralimpiya sport turlariga tayyorlash markazi, “Alpomish” sport majmuasi hamda viloyat suv sporti maktabida yoshlarga yaratib berilgan sharoitlar holati o‘rganildi.

Shuningdek, 4-tip sport majmuasida bo‘lib o‘tayotgan voleybol bo‘yicha O‘zbekiston kubogi ishtirokchilari va murabbiylar bilan suhbatlashildi.

Har bir obyektda yoshlarga yanada qulay shart-sharoitlar yaratib berish, sportga keng jalb etish bo‘yicha ko‘rsatmalar berildi.