Erkinjon Turdimov Yangiyerdagi "Fazilat" mahallasi obodonchiligini tanqid qildi
2026-07-09 16:30:00 / Yangiliklar
Viloyat hokimi Erkinjon Turdimov Yangiyer shahrining «Fazilat» mahallasida bo‘lib, hududdagi ahvolni ko‘zdan kechirdi.
Asosan ikki qavatli uylardan iborat bu mahallada obodonlashtirish va ko‘kalamzorlashtirish ishlari o‘z holiga tashlab qo‘yilgani, odamlar uchun munosib sharoit yaratilmagani bo‘yicha shahar ma’muriyati va mas’ul rahbarlarning faoliyati qattiq e’tirozga sabab bo‘ldi.
Viloyat hokimi mahalla aholisi bilan uchrashib, ularni qiynayotgan asl muammolarni eshitdi. Yuzaga kelgan vaziyatni tezkorlik bilan tuzatish maqsadida mutasaddilarga aniq topshiriqlar berildi. Endilikda qisqa fursatda quyidagi ishlar amalga oshiriladi: ▪️mahalla hududi to‘liq tartibga keltirilib, obodonlashtiriladi; ▪️yangi piyodalar yo‘lakchalari (trotuarlar) quriladi; ▪️daraxt va ko‘chatlarni parvarishlash uchun tizimli sug‘orish tarmog‘i tashkil etiladi; ▪️ichki yo‘llar ta’mirlanadi. Ishlarning borishi va sifati qat’iy nazoratga olindi.