Sirdaryo yoshlari uchun yangi muloqot maydoni
2026-03-12 09:45:00 / Yangiliklar
Shuningdek, Prezident tashabbusi bilan e’lon qilingan “Payshanba — yoshlar kuni” tadbirlari doirasida yoshlar tomonidan bildirilgan taklif va mulohazalar ham mazkur portal orqali qabul qilinadi.
Mazkur portalga qayd etilgan har bir murojaat, taklif va mulohaza avtomatik va tezkor tarzda Sirdaryo viloyatidagi korxona va tashkilotlar tomonidan amalda foydalanib kelinayotgan sirdaryoijro.uz — ijro nazorati tizimi orqali tegishli ijrochilarga yetkaziladi.
Bu esa yoshlar murojaatlarini tizimli tarzda ko‘rib chiqish, ularni nazoratga olish va amaliy hal etishda muhim ahamiyat kasb etadi.
Portal orqali kelib tushgan murojaatlar Yoshlar ishlari agentligi Sirdaryo viloyati boshqarmasi tomonidan nazoratga olinadi va tegishli tashkilotlar bilan hamkorlikda ko‘rib chiqiladi.
“Sirdaryo yoshlarining muloqot portali” yoshlarning fikri, tashabbusi va takliflarini tinglash hamda ular bilan samarali muloqotni ta’minlashga xizmat qilayotgan yangi raqamli platforma hisoblanadi.