Qonliko‘l tumanida iftorlik dasturxoni yoyildi
2026-03-01 17:50:00 / Yangiliklar
Qonliko‘l tumanida muborak Ramazon oyi munosabati bilan iftorlik dasturxoni yoyildi. Mazkur tadbir mamlakatimizda Ramazon oyini munosib o‘tkazish, ehtiyojmand aholini qo‘llab-quvvatlash va saxovat anʼanalarini yanada kengaytirishga qaratilgan O‘zbekiston Respublikasi Prezidenti Shavkat Mirziyoyev tashabbusi doirasida tashkil etildi.
Mehr-muruvvat va bag‘rikenglik ruhida o‘tgan tadbirda Sirdaryo viloyati vakillari ham ishtirok etdi.
Iftorlik dasturxonida nuroniylar, ehtiyojmand oilalar, jamoatchilik vakillari hamda yoshlar bir dasturxon atrofida jam bo‘lib, duo va xayrli tilaklar qilindi. Ramazon oyining fazilati, o‘zaro hurmat va hamjihatlik qadriyatlari alohida taʼkidlandi. Shuningdek, Prezident tashabbusi bilan joylarda aholini qo‘llab-quvvatlash, ayniqsa kam taʼminlangan va ehtiyojmand oilalarga eʼtibor qaratish ustuvor vazifa sifatida qaralayotgani qayd etildi.
Shunday iftorlik dasturxonlari tumanning yana 20 ta hududida ham tashkil etildi.
Ramazon — birdamlik va saxovat oyi. Qonliko‘ldagi iftorlik dasturxoni ana shu ezgu qadriyatlarning amaliy ifodasi bo‘ldi