Qonliko‘lda yangi bosqich: amaliy hamkorlik va rivojlanish sari
2026-03-01 13:20:00 / Yangiliklar
Tashrif davomida tumanda amalga oshirilayotgan ishlar bilan tanishilib, mavjud muammolar joyida o‘rganildi. Qishloq xo‘jaligi, xizmat ko‘rsatish sohasi va infratuzilmani yaxshilash masalalari muhokama qilinib, ijtimoiy obyektlarni taʼmirlash va yangi ish o‘rinlari yaratish bo‘yicha takliflar ishlab chiqildi.
Shuningdek, tadbirkorlar bilan ochiq muloqot o‘tkazilib, oilaviy biznesni kengaytirish, qayta ishlash quvvatlarini yo‘lga qo‘yish orqali qo‘shimcha daromad manbalarini yaratish yuzasidan aniq rejalar belgilab olindi.
Safar yakunida mutasaddilarga topshiriqlar berilib, belgilangan vazifalar ijrosini taʼminlash bo‘yicha “yo‘l xaritasi” ishlab chiqish vazifasi qo‘yildi. Asosiy maqsad — Qonliko‘l tumanida barqaror iqtisodiy o‘sish va aholi farovonligini taʼminlash.