SevSirdaryo.uz — xalq ovozi eshitiladigan platforma
2026-01-29 11:50:00 / Yangiliklar
Sirdaryo viloyatida jamoatchilik nazoratini kuchaytirish, aholining muammolariga tezkor va shaffof yechim topish maqsadida SevSirdaryo.uz innovatsion platformasi ishga tushirildi.
Endi har bir fuqaro o‘z mahallasi, ko‘chasi yoki yashash joyidagi muammoni — yo‘l, yoritish, obodonlashtirish, kommunal xizmatlar yoki boshqa masalalarni onlayn tarzda yuborishi mumkin. Barcha murojaatlar belgilangan ijrochilarga yo‘naltiriladi va ularning ijrosi ochiq hamda shaffof tarzda nazorat qilinadi.
SevSirdaryo.uz — bu oddiy sayt yoki platforma emas. Bu xalq va davlat o‘rtasidagi ochiq muloqot, mas’uliyat va ishonchga asoslangan zamonaviy raqamli ko‘prikdir.
👉 Muammo bormi?
👉 Yechim kutyapsizmi?
👉 Jamoatchilik nazoratini xohlaysizmi?
Unda befarq bo‘lmang! SevSirdaryo.uz platformasi orqali murojaat qoldiring.
Obodlik mayda muammolar yechimidan boshlanadi.
Keling, Sirdaryoni birgalikda obod qilaylik!