Qishloq xo‘jaligida yangi talablar: Sayxunobod tumanida ishchi yig‘ilish o‘tkazildi
2026-01-08 11:40:00 / Yangiliklar
Shuningdek, 2026 yil hosiliga tayyorgarlik doirasida intensiv bog‘dorchilik va uzumchilikni rivojlantirish, chorvachilik sohasida mahsulot hajmini oshirish, qayta ishlash yo‘nalishlarini kengaytirish bo‘yicha aniq vazifalar belgilandi.
Muhokama jarayonida viloyat rahbari tumanda aniqlangan kamchiliklarga alohida to‘xtalib o‘tdi. Taqdim etilgan tahliliy maʼlumotlarga ko‘ra, Sayxunobod tumanida 560 ta fermer xo‘jaligi faoliyat yuritib, ular ixtiyorida 30 ming gektardan ortiq yer maydoni mavjud. Ekin maydonlarida paxta-g‘alla yo‘nalishi ustuvor bo‘lib, yerlarni o‘z vaqtida tayyorlash va agrotexnik tadbirlarni bajarishda ayrim kamchiliklar borligi qayd etildi.
Viloyat hokimi masʼul rahbarlarning ish faoliyatini qatʼiy talab asosida baholab, har bir masala yuzasidan shaxsiy javobgarlikni kuchaytirish, ijro intizomini taʼminlash hamda belgilangan vazifalarning so‘zsiz bajarilishi yuzasidan qatʼiy ko‘rsatmalar berdi.