Sirdaryo viloyati mahalliy byudjeti tasdiqlandi
2025-12-29 09:45:00 / Yangiliklar
Yettinchi chaqiriq Xalq deputatlari Sirdaryo viloyati Kengashining 27-sessiyasida 2026 yilgi Sirdaryo viloyati mahalliy byudjeti hamda tuman va shaharlar mahalliy byudjetlarining daromadlari va xarajatlari prognoz ko‘rsatgichlari tasdiqlandi.
Qarorga muvofiq, 2026 yil uchun viloyat mahalliy byudjeti daromadlari 2 trln 264,3 mlrd so‘m, xarajatlari 2 trln 951,4 mlrd so‘m etib belgilandi. Respublika byudjetidan ajratiladigan tartibga soluvchi byudjetlararo transfertlar 687,1 mlrd so‘m miqdorida tasdiqlandi.
Shuningdek, tuman va shaharlar kesimida byudjetlar prognozlari, transfertlar taqsimoti, zaxira jamg‘armalari hajmlari hamda ayrim soliq tushumlarining mahalliy byudjetlarda qoldirilishi belgilandi.