Sirdaryoda faxriylar va para shaxmatchilar o‘rtasida O‘zbekiston chempionati boshlandi
2025-12-23 19:00:00 / Yangiliklar
Chempionatning tantanali ochilish marosimida Sirdaryo viloyati hokimi, viloyat Shaxmat federatsiyasi raisi Erkinjon Turdimov qatnashib, musobaqani rasman ochib berdi hamda ishtirokchilarga muvaffaqiyat tiladi. Shuningdek, O‘zbekiston shaxmat federatsiyasi raisining o‘rinbosari Komiljon Sindarov so‘zga chiqib, chempionatning sportchilar o‘rtasida tajriba almashish va sog‘lom turmush tarzini targ‘ib etishdagi ahamiyatini ta’kidladi.
Musobaqa shveysarcha tizim asosida 7 turda, 3 yo‘nalishda — para shaxmatchilar (erkaklar va ayollar) hamda 60 yoshdan oshgan faxriy shaxmatchilar o‘rtasida o‘tkazilmoqda.
Yakunda g‘olib va sovrindorlar diplom, medal va esdalik sovg‘alari bilan taqdirlanadi. Chempionat shaxmat sportini ommalashtirish yo‘lidagi muhim tadbirlardan biri hisoblanadi.