Sirdaryo tumanida yoshlar bandligini ta’minlashga qaratilgan mehnat yarmarkasi o‘tkazildi
2026-10-17 14:00:00 / Yangiliklar
Sirdaryo tumanida yoshlar bandligini ta’minlash, ularni munosib ish o‘rinlariga yo‘naltirish hamda mehnat bozorida o‘z o‘rnini topishiga ko‘maklashish borasida amaliy ishlar olib borilmoqda.
Shu maqsadda Yoshlik mahallasidagi “Ezgu niyatlar” bog‘ida viloyat soliq boshqarmasi tashabbusi bilan yoshlar uchun mehnat yarmarkasi tashkil etildi.
Tadbirda 40 ga yaqin korxona va tashkilot o‘zlaridagi jami 660 ta bo‘sh ish o‘rni bilan ishtirok etdi. Yarmarka davomida yoshlarga mavjud ish o‘rinlari, mehnat sharoitlari hamda ishga joylashish imkoniyatlari haqida ma’lumotlar berildi.
Shuningdek, tadbirda ishtirok etgan yoshlar bilan muloqotlar o‘tkazilib, ularning bandlikka oid murojaat va takliflari tinglandi. Bitiruvchi yoshlar uchun esa turli kasb va mutaxassisliklar bilan tanishish, kelgusidagi faoliyat yo‘nalishini belgilash imkoniyati yaratildi.