Sirdaryo viloyati Sirdaryo tuman hokimligi

Sirdaryo tumanida aholini barqaror va sifatli elektr energiyasi bilan ta’minlash, elektr tarmoqlaridagi mavjud muammolarni aniqlash hamda ularni bartaraf etish masalalariga bag‘ishlangan uchrashuv bo‘lib o‘tdi.

Unda hududdagi elektr tarmoqlari va transformatorlarning holati, elektr ta’minotidagi uzilishlar hamda aholining mavjud murojaatlari muhokama qilindi.

Mas’ullarga aniqlangan muammolarni tezkorlik bilan bartaraf etish, elektr tarmoqlarini ta’mirlash va yangilash, shuningdek, aholiga sifatli va uzluksiz elektr energiyasi yetkazib berishni ta’minlash bo‘yicha tegishli topshiriqlar berildi.

Shuningdek, kuz-qish mavsumiga puxta tayyorgarlik ko‘rish va elektr ta’minoti tizimining barqaror ishlashini ta’minlash bo‘yicha amalga oshiriladigan ishlar belgilab olindi.