Sirdaryo viloyati Sirdaryo tuman hokimligi

Aholining murojaatlarini o‘rganish, ularni qiynab kelayotgan muammolarni tinglash hamda amaliy yechimlar ishlab chiqish maqsadida Sirdaryo tumani Xalq qabulxonasida tuman hokimi Azizbek Turdimurodov rahbarligida navbatdagi shaxsiy qabul o‘tkazildi. Qabul davomida 30 nafar fuqaro o‘z murojaatlari bilan ishtirok etdi. Fuqarolar tomonidan uy-joylarni ta’mirlash, doimiy ish bilan ta’minlash, kadastr hujjatlarini rasmiylashtirish, bolalar nafaqasi tayinlash hamda kommunal xizmatlar bilan bog‘liq masalalar ko‘tarildi. Har bir murojaat tuman hokimi tomonidan atroflicha o‘rganilib, ayrim masalalar joyida ijobiy hal etildi. Qo‘shimcha o‘rganish va vaqt talab etadigan murojaatlar yuzasidan mas’ul tashkilotlar rahbarlariga aniq vazifalar yuklatilib, ijrosi nazoratga olindi.