Sirdaryo viloyati Sirdaryo tuman hokimligi

Sirdaryo tumani hokimligida kasbiy ta’lim muassasalarida dual ta’lim tizimini kengaytirish, ishlab chiqarish amaliyotlarini samarali tashkil etish hamda texnikum bitiruvchilarining bandligini ta’minlash masalalariga bag‘ishlangan kengaytirilgan muhokama yig‘ilishi bo‘lib o‘tdi. Muhokamada tuman hokimi, tuman hokimining tegishli o‘rinbosari, hududdagi texnikum direktorlar, sohaga aloqador korxona va tashkilotlar rahbarlari hamda mas’ul mutasaddilar ishtirok etdi. Yig‘ilish davomida texnikum direktorlarining taqdimotlari tinglanib, dual ta’lim tizimini amaliyot bilan yanada integratsiyalash, ishlab chiqarish korxonalari bilan hamkorlikni mustahkamlash, o‘quvchilarning amaliy ko‘nikmalarini oshirish hamda bitiruvchilarni mutaxassisligi bo‘yicha ish bilan ta’minlash borasida amalga oshirilayotgan ishlar yuzasidan ma’lumotlar berildi. Shuningdek, mavjud muammolar va ularni bartaraf etish bo‘yicha takliflar muhokama qilinib, dual ta’lim tizimini yanada takomillashtirish, ishlab chiqarish amaliyotlari samaradorligini oshirish hamda bitiruvchilar bandligini ta’minlash yuzasidan mas’ullarga tegishli topshiriqlar berildi.