Sirdaryo tumanida quritilgan pomidor ishlab chiqarishda zamonaviy texnologiyalar joriy etilmoqda
2026-07-07 13:00:00 / Yangiliklar
Jumladan, tumanda an’anaviy ish uslublari o‘rnini yuqori texnologiyalar egallamoqda. Endilikda bu yerda shirin va mazali pomidor qoqilari mashhur "Genboy" kompaniyasining zamonaviy pomidor kesish texnikalari yordamida tayyorlanmoqda! Mazkur texnologiya ishlab chiqarish samaradorligini oshirish, mehnat unumdorligini yuksaltirish hamda mahsulot sifatini xalqaro talablarga mos ravishda ta’minlashga xizmat qilmoqda. Yangi uskunalardan foydalanish natijasida ishchi kuchi xarajatlari 7–8 barobarga qisqarib, ishlab chiqarish jarayoni 3–4 barobarga tezlashmoqda. Bu esa mahsulot tannarxini kamaytirish, ishlab chiqarish hajmini oshirish hamda eksportbop mahsulotlar tayyorlash imkoniyatlarini yanada kengaytirmoqda. Sirdaryo tumanida zamonaviy texnologiyalarni ishlab chiqarishga keng tatbiq etish, investitsiyalarni jalb qilish va qishloq xo‘jaligi mahsulotlarini chuqur qayta ishlash orqali qo‘shimcha qiymat yaratishga qaratilgan ishlar izchil davom ettirilmoqda.