Sirdaryo tumani hokimligida “Ayollar daftari”ning 7-bosqichi doirasida amalga oshiriladigan ishlarni samarali tashkil etish masalalariga bag‘ishlangan muhokamasi bo‘lib o‘tdi.
2026-06-02 20:00:00 / Yangiliklar
Muhokamada tuman hokimligining Oila va xotin-qizlar bo‘limi boshlig‘i N. G‘afurova hamda O‘zbekiston Kasaba uyushmalari Federatsiyasidan biriktirilgan vakil Sardor Javlonov ishtirok etib, mazkur jarayonda birorta ham xotin-qiz e’tibordan chetda qolmasligi lozimligini alohida ta’kidladilar.
Shuningdek, tuman hududidagi barcha tashkilotlarda “Ayollar daftari” ijrosini samarali ta’minlash maqsadida shtablar tashkil etilishi, kiritilayotgan ma’lumotlarning haqqoniyligi va shaffofligini ta’minlash bo‘yicha mas’uliyat to‘liq tashkilotlar zimmasiga yuklatilishi qayd etildi.
Yig‘ilish davomida mas’ullarga tizimdagi ishlarni sifatli tashkil etish, muammolarni o‘z vaqtida aniqlash va amaliy yordam ko‘rsatish yuzasidan aniq vazifa va topshiriqlar berildi. Mazkur topshiriqlar ijrosi ustidan doimiy nazorat o‘rnatilishi belgilandi.