Sirdaryo tumanida yosh iste’dodlar o‘rtasida “Ideathon – innovatsion loyihalar tanlovi”ning tuman bosqichi o‘tkazildi.
2026-04-22 11:20:00 / Yangiliklar
Sirdaryo tumanidagi umumta’lim maktablari, ixtisoslashtirilgan ta’lim muassasalari hamda texnikumlarda tahsil olayotgan 14 yoshdan 30 yoshgacha bo‘lgan yoshlar o‘rtasida mazkur tanlov tashkil etildi.
Tanlov jarayonida ishtirokchi yoshlar nafaqat o‘z innovatsion g‘oyalarini taqdim etdilar, balki tumanimizning raqamli kelajagini rivojlantirishga qaratilgan amaliy yechimlarni ham ilgari surdilar.
Mazkur tanlovni o‘tkazishdan asosiy maqsad — yoshlarning IT sohasiga bo‘lgan qiziqishi va salohiyatini yanada rivojlantirish, raqamli texnologiyalar hamda sun’iy intellekt asosidagi startap loyihalarni qo‘llab-quvvatlash, ularni amaliyotga tatbiq etish va istiqbolda xalqaro bozorlarga olib chiqishdan iborat.